kuchh nazar aata nahin hai wo ujala kar diya

kuchh nazar aatā nahīñ hai vo ujālā kar diyā

sab hī apnā aap bhūle vo tamāshā kar diyā

kaan bhī paḌtī nahīñ hai ab to āvāz-e-zamīr

khokhle zehnoñ ne itnā shor barpā kar diyā

haath ḳhālī haiñ hamāre aur kuchh rabb-e-jalīl

tū ne jo kuchh bhī likhā thā ham ne puurā kar diyā

mas.ale jaise chaTāneñ rahnumā jaise havā

vaqt ne kitne falak-bosoñ ko baunā kar diyā

chuntā phirtā huuñ maiñ apne-āp vahī raat din

zindagī ne yuuñ bikherā reza reza kar diyā

kuchh nazar aata nahin hai wo ujala kar diya

sab hi apna aap bhule wo tamasha kar diya

kan bhi paDti nahin hai ab to aawaz-e-zamir

khokhle zehnon ne itna shor barpa kar diya

hath KHali hain hamare aur kuchh rabb-e-jalil

tu ne jo kuchh bhi likha tha hum ne pura kar diya

masale jaise chaTanen rahnuma jaise hawa

waqt ne kitne falak-boson ko bauna kar diya

chunta phirta hun main apne-ap wahi raat din

zindagi ne yun bikhera reza reza kar diya