kuchh raaz hain aise jo KHabar tak nahin pahunche

kuchh raaz haiñ aise jo ḳhabar tak nahīñ pahuñche

aise bhī haiñ jalve jo nazar tak nahīñ pahuñche

ik lamhe ko aayā thā sar-e-bazm vo ḳhush-rū

jo ghar se ga.e dekhne ghar tak nahīñ pahuñche

chhoTe the jo qāmat meñ jinheñ jhuk ke milā thā

un hāthoñ ke patthar mire sar tak nahīñ pahuñche

us gard se niklo ki safar kā kareñ āġhāz

yaaro tum abhī rāhguzar tak nahīñ pahuñche

har chand ki dar chhoḌ ke terā hue rusvā

lekin kabhī ham ġhair ke dar tak nahīñ pahuñche

kyā jāniye kin logoñ kī qismat meñ huuñ 'ārif'

vo phal jo abhī shāḳh-e-shajar tak nahīñ pahuñche

kuchh raaz hain aise jo KHabar tak nahin pahunche

aise bhi hain jalwe jo nazar tak nahin pahunche

ek lamhe ko aaya tha sar-e-bazm wo KHush-ru

jo ghar se gae dekhne ghar tak nahin pahunche

chhoTe the jo qamat mein jinhen jhuk ke mila tha

un hathon ke patthar mere sar tak nahin pahunche

us gard se niklo ki safar ka karen aaghaz

yaro tum abhi rahguzar tak nahin pahunche

har chand ki dar chhoD ke tera hue ruswa

lekin kabhi hum ghair ke dar tak nahin pahunche

kya jaaniye kin logon ki qismat mein hun 'arif'

wo phal jo abhi shaKH-e-shajar tak nahin pahunche