kuchh sazgar jab mere haalat bhi nahin

kuchh sāzgār jab mire hālāt bhī nahīñ

aise meñ mere sar pe tirā baat bhī nahīñ

mushtāq-e-dīd bhī nahīñ ye tarfa baat hai

dil meñ ḳhayāl-e-tark-e-mulāqāt bhī nahīñ

kahtā nahīñ maiñ aap ko begāna-ḳhū magar

pahle sī mujh pe lutf-o-ināyāt bhī nahīñ

mujh ko banāyā mumlikat-e-ġham kā tājdār

aur mere lab pe shukr ke kalmāt bhī nahīñ

kis se karūñ umiid maiñ hājat-ravā.ī kī

juz tere koī qibla-e-hājāt bhī nahīñ

saaqī ne bhī mujhe nazar-andāz kar diyā

mujh par nigāh-e-mīr-e-ḳharābāt bhī nahīñ

'ājiz' huuñ ḳhat likhūñ to unheñ kis tarah likhūñ

kāġhaz nahīñ qalam nahīñ dāvāt bhī nahīñ

kuchh sazgar jab mere haalat bhi nahin

aise mein mere sar pe tera baat bhi nahin

mushtaq-e-did bhi nahin ye tarfa baat hai

dil mein KHayal-e-tark-e-mulaqat bhi nahin

kahta nahin main aap ko begana-KHu magar

pahle si mujh pe lutf-o-inayat bhi nahin

mujh ko banaya mumlikat-e-gham ka tajdar

aur mere lab pe shukr ke kalmat bhi nahin

kis se karun umid main hajat-rawai ki

juz tere koi qibla-e-hajat bhi nahin

saqi ne bhi mujhe nazar-andaz kar diya

mujh par nigah-e-mir-e-KHarabaat bhi nahin

'ajiz' hun KHat likhun to unhen kis tarah likhun

kaghaz nahin qalam nahin dawat bhi nahin