kuchh shaghl hai to mere dil-e-be-qarar ko

kuchh shaġhl hai to mere dil-e-be-qarār ko

yārab tavīl kar de shab-e-intizār ko

samjhā-bujhā ke apne dil-e-be-qarār ko

rahbar banā liyā hai tire intizār ko

anjān ban ke pūchh rahe ho mirā mizāj

tum ḳhuub jānte ho mire hāl-e-zār ko

tum chāhte the tark-e-ta'alluq ho ho gayā

ham bhī du'ā.eñ deñge ġham-e-rozgār ko

baḌhtā hī jā rahā hai añdheroñ kā silsila

haañ chhīn le koī mire sabr-o-qarār ko

ai be-ḳhudī-e-shauq ye kyā ho gayā mujhe

āvāz de rahā huuñ chaman meñ bahār ko

in mai-kashān-e-dīd kī tauba bhī ḳhuub hai

lalchā rahe haiñ dekh kar abr-e-bahār ko

bad-nāmiyoñ kā apnī agar Dar hai is qadar

kyoñ chheḌte haiñ aap kisī sogvār ko

'afgan' ḳhud apnī aag meñ ġhunche jhulas ga.e

ilzām ab na de koī fasl-e-bahār ko

kuchh shaghl hai to mere dil-e-be-qarar ko

yarab tawil kar de shab-e-intizar ko

samjha-bujha ke apne dil-e-be-qarar ko

rahbar bana liya hai tere intizar ko

anjaan ban ke puchh rahe ho mera mizaj

tum KHub jaante ho mere haal-e-zar ko

tum chahte the tark-e-ta'alluq ho ho gaya

hum bhi du'aen denge gham-e-rozgar ko

baDhta hi ja raha hai andheron ka silsila

han chhin le koi mere sabr-o-qarar ko

ai be-KHudi-e-shauq ye kya ho gaya mujhe

aawaz de raha hun chaman mein bahaar ko

in mai-kashan-e-did ki tauba bhi KHub hai

lalcha rahe hain dekh kar abr-e-bahaar ko

bad-namiyon ka apni agar Dar hai is qadar

kyon chheDte hain aap kisi sogwar ko

'afgan' KHud apni aag mein ghunche jhulas gae

ilzam ab na de koi fasl-e-bahaar ko