kuchh tha uski yaad ka jadu aur kuchh in fankaron ne

kuchh thā us kī yaad kā jaadū aur kuchh in fankāroñ ne

zulm kiye haiñ kaise kaise piiTh ke pīchhe yāroñ ne

ham bhī sabuktagīn bane the ik din dasht ke pahlū meñ

ham par bhī mazmūn likhā thā in manfī kirdāroñ ne

vatan-e-‘azīz kī shaan meñ kis ne nauha likkhā raat ga.e

kis ke naam kā parcha kaaTā vatan ke in ġhaddāroñ ne

sub.h huī to she'r likhe the shahr kī sab dīvāroñ par

shaam huī thī dīvāroñ par naam likhe the yāroñ ne

chaudah saal se ham jis shaḳhs ko DhūñD rahe the yaar 'nadīm'

aaj us shaḳhs ko dekhā ham naqsh banī dīvāroñ ne

kuchh tha us ki yaad ka jadu aur kuchh in fankaron ne

zulm kiye hain kaise kaise piTh ke pichhe yaron ne

hum bhi sabuktagin bane the ek din dasht ke pahlu mein

hum par bhi mazmun likha tha in manfi kirdaron ne

watan-e-‘aziz ki shan mein kis ne nauha likkha raat gae

kis ke nam ka parcha kaTa watan ke in ghaddaron ne

subh hui to she'r likhe the shahr ki sab diwaron par

sham hui thi diwaron par nam likhe the yaron ne

chaudah sal se hum jis shaKHs ko DhunD rahe the yar 'nadim'

aaj us shaKHs ko dekha hum naqsh bani diwaron ne