kuchh the mere hathon mein kuchh muqim sine mein

kuchh the mere hāthoñ meñ kuchh muqīm siine meñ

ab savār haiñ saare ajnabī safīne meñ

karb se hue saiqal aks kar ga.e mohmal

aarzū ke ā.īne aas ke ḳhazīne meñ

koī ek lamha hai jis meñ din samā jaa.eñ

saal Duub sakte haiñ sirf ik mahīne meñ

aarzū kī hiddat se barf-e-tishnagī pighlī

umr ghul ga.ī lekin chand ghūñT piine meñ

haath jab uThāte haiñ un ke but nahīñ girte

munfarid munāfiq haiñ ziist ke madīne meñ

pesha-var mahārat se ijtināb bartā hai

sozan-e-muqaddar ne mere zaḳhm siine meñ

un ko mai taḳhayyul kī raas jab bhī aa jaa.e

lafz raqs karte haiñ dil ke ābgīne meñ

kuchh the mere hathon mein kuchh muqim sine mein

ab sawar hain sare ajnabi safine mein

karb se hue saiqal aks kar gae mohmal

aarzu ke aaine aas ke KHazine mein

koi ek lamha hai jis mein din sama jaen

sal Dub sakte hain sirf ek mahine mein

aarzu ki hiddat se barf-e-tishnagi pighli

umr ghul gai lekin chand ghunT pine mein

hath jab uThate hain un ke but nahin girte

munfarid munafiq hain zist ke madine mein

pesha-war mahaarat se ijtinab barta hai

sozan-e-muqaddar ne mere zaKHm sine mein

un ko mai taKHayyul ki ras jab bhi aa jae

lafz raqs karte hain dil ke aabgine mein