kuchh to haalat ne diwana bana rakkha hai

kuchh to hālāt ne dīvāna banā rakkhā hai

aur kuchh un ke taġhāful ne manā rakkhā hai

ḳhauf-e-shab ne mujhe dīvāna banā rakkhā hai

maiñ ne din hī se charāġhoñ ko jalā rakkhā hai

shauq se aap ise tauhīn-e-bahārāñ kahiye

maiñ ne har phuul se dāman ko bachā rakkhā hai

haram-o-dair se aage hai mirā zauq-e-talab

āstān-e-haram-o-dair meñ kyā rakkhā hai

dar-o-dīvār se zāhir haiñ tabāhī ke nishāñ

maiñ ne ġham-ḳhāne ko ġham-ḳhāna banā rakkhā hai

jazb ho jaatā hai Dhaltā hai jo aañsū ai dost

maiñ ne dāman meñ sitāroñ ko chhupā rakkhā hai

Thes lagte hī ye paimāna chhalak jā.egā

kyoñ mire dil ko nigāhoñ se girā rakkhā hai

sun ke rūdād-e-vafā hañs ke vo farmāte haiñ

ai 'tabassum' tire afsāne meñ kyā rakkhā hai

kuchh to haalat ne diwana bana rakkha hai

aur kuchh un ke taghaful ne mana rakkha hai

KHauf-e-shab ne mujhe diwana bana rakkha hai

main ne din hi se charaghon ko jala rakkha hai

shauq se aap ise tauhin-e-bahaaran kahiye

main ne har phul se daman ko bacha rakkha hai

haram-o-dair se aage hai mera zauq-e-talab

aastan-e-haram-o-dair mein kya rakkha hai

dar-o-diwar se zahir hain tabahi ke nishan

main ne gham-KHane ko gham-KHana bana rakkha hai

jazb ho jata hai Dhalta hai jo aansu ai dost

main ne daman mein sitaron ko chhupa rakkha hai

Thes lagte hi ye paimana chhalak jaega

kyon mere dil ko nigahon se gira rakkha hai

sun ke rudad-e-wafa hans ke wo farmate hain

ai 'tabassum' tere afsane mein kya rakkha hai