kuchh to main hi pagal tha aur kuchh tha us ka pagal-pan

kuchh to maiñ hī pāgal thā aur kuchh thā us kā pāgal-pan

socho maiñ ne jhelā hogā kitnā kitnā pāgal pan

shab bhar jagnā chup chup rahnā ye kaisī hai riit na.ī

ishq mohabbat Thiik hai lekin aisā kaisā pāgal-pan

aaj alag haiñ ham donoñ to sochī-samjhī sāzish hai

kuchh to us kī marzī hai aur kuchh hai merā pāgal-pan

ham donoñ meñ kuchh to thā par kyā thā vo kuchh yaad nahīñ

kuchh logoñ ne ishq batāyā kuchh kā kahnā pāgal-pan

mujh ko pāgal kahtī ho tum maan liyā maiñ pāgal huuñ

lekin maiñ jo pāgal huuñ to tum ho merā pāgal-pan

un āñkhoñ par haath rakhā phir un hoñToñ ko chuum liyā

us ne pūchhā kyā hai ye sab maiñ ne bolā pāgal-pan

kuchh to main hi pagal tha aur kuchh tha us ka pagal-pan

socho main ne jhela hoga kitna kitna pagal pan

shab bhar jagna chup chup rahna ye kaisi hai rit nai

ishq mohabbat Thik hai lekin aisa kaisa pagal-pan

aaj alag hain hum donon to sochi-samjhi sazish hai

kuchh to us ki marzi hai aur kuchh hai mera pagal-pan

hum donon mein kuchh to tha par kya tha wo kuchh yaad nahin

kuchh logon ne ishq bataya kuchh ka kahna pagal-pan

mujh ko pagal kahti ho tum man liya main pagal hun

lekin main jo pagal hun to tum ho mera pagal-pan

un aankhon par hath rakha phir un honTon ko chum liya

us ne puchha kya hai ye sab main ne bola pagal-pan