kuchh to pindar-e-mohabbat ki wo izzat rakkhe

kuchh to pindār-e-mohabbat kī vo izzat rakkhe

itnā mushkil hai ta'alluq to kaho mat rakkhe

ġhalatiyāñ dekh ke chup kyoñ rahūñ us ke aage

Toktā hai to vo sunñe kī bhī himmat rakkhe

maiñ to manzil kī faqat raah dikhā saktā huuñ

har qadam apne vo apnī hī badaulat rakkhe

kaun suntā hai kisī aur kā ġham duniyā meñ

ham ko dekho ki haiñ siine meñ qayāmat rakkhe

maiñ isī ḳhalq kī ḳhidmat se ḳhudā pā lūñgā

aur baiThe raho tum apnī ibādat rakkhe

ye mohabbat hī mujhe qaid na lagne lag jaa.e

ishq ke khel meñ itnī to suhūlat rakkhe

ḳhud ko jab ḳhidmat-e-insāñ ke liye vaqf kiyā

merī jis shaḳhs ko jitnī ho zarūrat rakkhe

maiñ bhī kuchh narmī se pesh ā.ūñgā lekin vo bhī

apnī palkoñ pe zarā ashk-e-nadāmat rakkhe

us kī ḳhvāhish ke mutābiq hī kiye saare kaam

ab to 'harshit' vo mire haath pe ujrat rakkhe

kuchh to pindar-e-mohabbat ki wo izzat rakkhe

itna mushkil hai ta'alluq to kaho mat rakkhe

ghalatiyan dekh ke chup kyon rahun us ke aage

Tokta hai to wo sunne ki bhi himmat rakkhe

main to manzil ki faqat rah dikha sakta hun

har qadam apne wo apni hi badaulat rakkhe

kaun sunta hai kisi aur ka gham duniya mein

hum ko dekho ki hain sine mein qayamat rakkhe

main isi KHalq ki KHidmat se KHuda pa lunga

aur baiThe raho tum apni ibaadat rakkhe

ye mohabbat hi mujhe qaid na lagne lag jae

ishq ke khel mein itni to suhulat rakkhe

KHud ko jab KHidmat-e-insan ke liye waqf kiya

meri jis shaKHs ko jitni ho zarurat rakkhe

main bhi kuchh narmi se pesh aaunga lekin wo bhi

apni palkon pe zara ashk-e-nadamat rakkhe

us ki KHwahish ke mutabiq hi kiye sare kaam

ab to 'harshit' wo mere hath pe ujrat rakkhe