kuchh TuTta hai andar bolo main kya karun ab

kuchh TūTtā hai andar bolo maiñ kyā karūñ ab

ḳhāmosh hai bavanDar bolo maiñ kyā karūñ ab

hai ranjishoñ se bhīgī ulfat kī chāñdnī bhī

thā chāñd hī sitamgar bolo maiñ kyā karūñ ab

vo sāmne se chal kar guzrī bahār kab kī

kis samt hai muqaddar bolo maiñ kyā karūñ ab

maiñ apnī hasratoñ kā kyoñ rañg hī na badal duuñ

tasvīr ho jo abtar bolo maiñ kyā karūñ ab

kuchh aur hī hue ham ḳhvāboñ se aa ke bāhar

ruḳhsat huā fusūñ-gar bolo maiñ kyā karūñ ab

be-dard hai zamāna anjān āsmāñ hai

dekho chhupe haiñ ḳhanjar bolo maiñ kyā karūñ ab

phir aaj us ne mujh ko dekhā hai muskurā kar

hai hādsa muqarrar bolo maiñ kyā karūñ ab

sayyād le rahā hai merā imtihāñ qafas meñ

har din ho jaise mahshar bolo maiñ kyā karūñ ab

hai ās-pās mere gulshan sajā guloñ se

chubhte hai laakh nashtar bolo maiñ kyā karūñ ab

kis ko bulā rahā hai ab intizār terā

tanhā hai saarā manzar bolo maiñ kyā karūñ ab

girtī sabā pe aa kar tark-e-vafā kī bijlī

go ḳhvāb haiñ mo.attar bolo maiñ kyā karūñ ab

kuchh TuTta hai andar bolo main kya karun ab

KHamosh hai bawanDar bolo main kya karun ab

hai ranjishon se bhigi ulfat ki chandni bhi

tha chand hi sitamgar bolo main kya karun ab

wo samne se chal kar guzri bahaar kab ki

kis samt hai muqaddar bolo main kya karun ab

main apni hasraton ka kyon rang hi na badal dun

taswir ho jo abtar bolo main kya karun ab

kuchh aur hi hue hum KHwabon se aa ke bahar

ruKHsat hua fusun-gar bolo main kya karun ab

be-dard hai zamana anjaan aasman hai

dekho chhupe hain KHanjar bolo main kya karun ab

phir aaj us ne mujh ko dekha hai muskura kar

hai hadsa muqarrar bolo main kya karun ab

sayyaad le raha hai mera imtihan qafas mein

har din ho jaise mahshar bolo main kya karun ab

hai aas-pas mere gulshan saja gulon se

chubhte hai lakh nashtar bolo main kya karun ab

kis ko bula raha hai ab intizar tera

tanha hai sara manzar bolo main kya karun ab

girti saba pe aa kar tark-e-wafa ki bijli

go KHwab hain moattar bolo main kya karun ab