kuchh wajudi kuchh shuhudi falsafa sansar ka

kuchh vajūdī kuchh shuhūdī falsafa sansār kā

kis qadar dilchasp hai shahkār us fankār kā

ye zamīñ phūloñ kī hai rangoñ kī hai ḳhushbū kī hai

is mohabbat kī zamīñ par kaam kyā talvār kā

ḳhuuñ davātoñ meñ qalam meñ dhaar pahle sī kahāñ

chāplūsī se bharā hai har varaq aḳhbār kā

ab libāsoñ kī numā.ish ho rahī hai har taraf

aadmī kī zaat meñ fuqdān hai kirdār kā

apnī barbādī kā zimma-dār āḳhir kaun hai

ham hī ḳhud haiñ yā ki is meñ haath hai sarkār kā

ham lagā.eñ kis pe tohmat aur kise ilzām deñ

jabki hai kirdār hī mashkūk pahre-dār kā

kuchh wajudi kuchh shuhudi falsafa sansar ka

kis qadar dilchasp hai shahkar us fankar ka

ye zamin phulon ki hai rangon ki hai KHushbu ki hai

is mohabbat ki zamin par kaam kya talwar ka

KHun dawaton mein qalam mein dhaar pahle si kahan

chaplusi se bhara hai har waraq aKHbar ka

ab libason ki numaish ho rahi hai har taraf

aadmi ki zat mein fuqdan hai kirdar ka

apni barbaadi ka zimma-dar aaKHir kaun hai

hum hi KHud hain ya ki is mein hath hai sarkar ka

hum lagaen kis pe tohmat aur kise ilzam den

jabki hai kirdar hi mashkuk pahre-dar ka