kuchh yun safar ke shauq ne manzar dikhae hain
kuchh yuuñ safar ke shauq ne manzar dikhā.e haiñ
manzil ke paas aa ke qadam laḌkhaḌā.e haiñ
duniyā ke dukh tumhāre sitam dostoñ ke ġham
kis kis ko ham batā.eñ ki kis ke satā.e haiñ
aa.e haiñ ishq meñ kabhī aise maqām bhī
āñkheñ thiiñ ashk-bār to lab muskurā.e haiñ
aksar lagā hai sach bhī mirā jhuuT aap ko
par sach yahī hai maiñ ne bahut zaḳhm khaa.e haiñ
aisā lagā ki jaag uThe pattharoñ meñ sar
jab bhī tumhāre hoñT kabhī gungunā.e haiñ
kuchh yun safar ke shauq ne manzar dikhae hain
manzil ke pas aa ke qadam laDkhaDae hain
duniya ke dukh tumhaare sitam doston ke gham
kis kis ko hum bataen ki kis ke satae hain
aae hain ishq mein kabhi aise maqam bhi
aankhen thin ashk-bar to lab muskurae hain
aksar laga hai sach bhi mera jhuT aap ko
par sach yahi hai main ne bahut zaKHm khae hain
aisa laga ki jag uThe pattharon mein sar
jab bhi tumhaare honT kabhi gungunae hain
- Book : Apna to mile koi (Pg. 22)
- Author : Devmani Pandey
- Publication : Amrit parkashan (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
