kudurat baDh ke aaKHir ko nikalti hai fughan ho kar

kudūrat baḌh ke āḳhir ko nikaltī hai fuġhāñ ho kar

zamīñ ye sar par aa jaatī hai ik din āsmāñ ho kar

mire naqsh-e-qadam ne raah meñ kāñTe bichhā.e haiñ

batā.eñ to vo ghar ġhairoñ ke jā.eñge kahāñ ho kar

ḳhudā se sar-kashī kī pīr-e-zāhid is qadar tū ne

ki terā tiir sā qad ho gayā hai ab kamāñ ho kar

koī pūchhe ki mayyat kā bhī tum kuchh saath dete ho

ye aa.e marsiya le kar vo aa.e nauha-ḳhvāñ ho kar

irāda pīr-e-zāhid se hai ab turkī-ba-turkī kā

kisī bhaTTī pe jā baiThūñgā maiñ pīr-e-muġhāñ ho kar

talāsh-e-yār kyā aur sair kyā ai ham-nashīñ ham to

chale aur ghar chale aa.e yahāñ ho kar vahāñ ho kar

'suḳhan' kī bazm meñ 'nādir' usī ke sar pe sehrā hai

rahā jo ham-navā-e-bulbul-e-hindostāñ ho kar

kudurat baDh ke aaKHir ko nikalti hai fughan ho kar

zamin ye sar par aa jati hai ek din aasman ho kar

mere naqsh-e-qadam ne rah mein kanTe bichhae hain

bataen to wo ghar ghairon ke jaenge kahan ho kar

KHuda se sar-kashi ki pir-e-zahid is qadar tu ne

ki tera tir sa qad ho gaya hai ab kaman ho kar

koi puchhe ki mayyat ka bhi tum kuchh sath dete ho

ye aae marsiya le kar wo aae nauha-KHwan ho kar

irada pir-e-zahid se hai ab turki-ba-turki ka

kisi bhaTTi pe ja baiThunga main pir-e-mughan ho kar

talash-e-yar kya aur sair kya ai ham-nashin hum to

chale aur ghar chale aae yahan ho kar wahan ho kar

'suKHan' ki bazm mein 'nadir' usi ke sar pe sehra hai

raha jo ham-nawa-e-bulbul-e-hindostan ho kar