kufr-o-iman donon se ta-waqt-e-aKHir kaam tha

kufr-o-īmāñ donoñ se tā-vaqt-e-āḳhir kaam thā

dil meñ thī yād-e-butāñ lab par ḳhudā kā naam thā

jis kā miTnā ġhair mumkin jis kā sunñā nā-guzīr

vo ajal kā vaqt thā vo maut kā paiġhām thā

be-ḳhudī meñ hote kyā ism-o-musammā āshnā

naam se begāna maiñ begāna mujh se naam thā

le hī lī sabr-āzmāoñ se shakebā.ī kī daad

ai kamāl-e-sabr kyā kahnā ye terā kaam thā

ho ga.ī thiiñ jam.a duniyā bhar kī āḳhir hasrateñ

ik jahān-e-ārzū merā dil-e-nākām thā

arz-e-matlab ke liye ḳhud thī mirī sūrat savāl

aap hī paiġhāmbar thā aap hī paiġhām thā

kufr-o-iman donon se ta-waqt-e-aKHir kaam tha

dil mein thi yaad-e-butan lab par KHuda ka nam tha

jis ka miTna ghair mumkin jis ka sunna na-guzir

wo ajal ka waqt tha wo maut ka paigham tha

be-KHudi mein hote kya ism-o-musamma aashna

nam se begana main begana mujh se nam tha

le hi li sabr-azmaon se shakebai ki dad

ai kamal-e-sabr kya kahna ye tera kaam tha

ho gai thin jama duniya bhar ki aaKHir hasraten

ek jahan-e-arzu mera dil-e-nakaam tha

arz-e-matlab ke liye KHud thi meri surat sawal

aap hi paighambar tha aap hi paigham tha