kulah-e-kaj badal jati hai ya afsar badalta hai

kulāh-e-kaj badal jaatī hai yā afsar badaltā hai

abhī khultā nahīñ kyā vaqt kā tevar badaltā hai

ye dekhā hai ki mehvar istavā uupar badaltā hai

falak sadiyoñ purānī nīlgūñ chādar badaltā hai

diloñ meñ soz-e-ġham vaale dhueñ bhī ārzūeñ bhī

ajam vaalā musalmāñ har sadī meñ ghar badaltā hai

nishāñ-karda gharoñ ko chhoḌ bhāge ghar jo lauTe haiñ

to dekhā pichhlī shab dahlīz kā number badaltā hai

har ik fir.aun ke ahvāl-e-ġharqābī judāgāna

kabhī dariyā badaltā hai kabhī lashkar badaltā hai

zamāna ehtirāman ghuum jaatā hai usī jānib

jo achchhā.ī ko ik insān rattī bhar badaltā hai

ham ab maġhrib ke dast-āmoz duniyā ko nahīñ lagte

ug aa.eñ bāl-o-par apne to bāl-o-par badaltā hai

koī darvāza bhītar kī taraf khultā nahīñ 'ehsāñ'

vahī andar kī kālak hai faqat bāhar badaltā hai

kulah-e-kaj badal jati hai ya afsar badalta hai

abhi khulta nahin kya waqt ka tewar badalta hai

ye dekha hai ki mehwar istawa upar badalta hai

falak sadiyon purani nilgun chadar badalta hai

dilon mein soz-e-gham wale dhuen bhi aarzuen bhi

ajam wala musalman har sadi mein ghar badalta hai

nishan-karda gharon ko chhoD bhage ghar jo lauTe hain

to dekha pichhli shab dahliz ka number badalta hai

har ek firaun ke ahwal-e-gharqabi judagana

kabhi dariya badalta hai kabhi lashkar badalta hai

zamana ehtiraman ghum jata hai usi jaanib

jo achchhai ko ek insan ratti bhar badalta hai

hum ab maghrib ke dast-amoz duniya ko nahin lagte

ug aaen baal-o-par apne to baal-o-par badalta hai

koi darwaza bhitar ki taraf khulta nahin 'ehsan'

wahi andar ki kalak hai faqat bahar badalta hai