kushtagan-e-gardish-e-ayyam hona tha hue

kushtagān-e-gardish-e-ayyām honā thā hue

gum the ham ḳhvāboñ meñ jo anjām honā thā hue

har fasād-e-nau pe ik qānūn-e-nau bantā gayā

phir bhī sub.h-o-shām qatl-e-ām honā thā hue

apnī laash apne hī kāñdhoñ par liye ham umar bhar

ham-safar hālāt ke har gaam honā thā hue

zulmatoñ ne raat kī māñge lahū ke phir charāġh

phir ujāloñ ko hamāre naam honā thā hue

thā bapā har shahr meñ hangāma-e-zāġh-o-zaġhan

aur ham shāhīn zer-e-dām honā thā hue

is sitam-ījād kī har tarz-e-nau par jaan dī

phir bhī zer-e-ḳhanjar-e-dushnām honā thā hue

aabrū ham ne baḌhā.ī sham.a kī shohrat bhī dī

ham se parvāne magar gumnām honā thā hue

ab to maa.il hai numā.ish par mizāj-e-husn bhī

ahl-e-dil ko ishq meñ nākām honā thā hue

ek mīThā zahr jaise pyaar thā us kā 'kalīm'

jāñ-ba-lab jām-e-lab-e-gulfām honā thā hue

kushtagan-e-gardish-e-ayyam hona tha hue

gum the hum KHwabon mein jo anjam hona tha hue

har fasad-e-nau pe ek qanun-e-nau banta gaya

phir bhi subh-o-sham qatl-e-am hona tha hue

apni lash apne hi kandhon par liye hum umar bhar

ham-safar haalat ke har gam hona tha hue

zulmaton ne raat ki mange lahu ke phir charagh

phir ujalon ko hamare nam hona tha hue

tha bapa har shahr mein hangama-e-zagh-o-zaghan

aur hum shahin zer-e-dam hona tha hue

is sitam-ijad ki har tarz-e-nau par jaan di

phir bhi zer-e-KHanjar-e-dushnam hona tha hue

aabru hum ne baDhai shama ki shohrat bhi di

hum se parwane magar gumnam hona tha hue

ab to mail hai numaish par mizaj-e-husn bhi

ahl-e-dil ko ishq mein nakaam hona tha hue

ek miTha zahr jaise pyar tha us ka 'kalim'

jaan-ba-lab jam-e-lab-e-gulfam hona tha hue