kucha-ha-e-dil-o-jaan ki tira-shabo aas marti nahin

kūcha-hā-e-dil-o-jāñ kī tīra-shabo aas martī nahīñ

āḳhirī saañs bharte sitāro suno aas martī nahīñ

chashm-e-giryāñ zarā tham bhī jā ashk meñ dil bhī bah jā.egā

sabr sahrā-e-vahshat ke mātam-garo aas martī nahīñ

dard uThne se dil ke sharāre kahāñ bujh sake haiñ kabhī

laakh raushan nigāhoñ meñ ḳhuuñ lā bharo aas martī nahīñ

vālī-e-shahr naġhmoñ kā qātil bajā par hameñ ġham hai kyā

fikr zinda ho jab tak mire shā.iro aas martī nahīñ

tum se pahle bhī ḳhvāboñ kī gardan uḌāne baḌe aa.e the

sar kaTe ḳhvāb chillā uThe dosto aas martī nahīñ

raakh bin jal bujhe par ye dil se dhuāñ ab bhī uThtā hai kyuuñ

aañkh meñ dekhne kī sakat ho na ho aas martī nahīñ

kucha-ha-e-dil-o-jaan ki tira-shabo aas marti nahin

aaKHiri sans bharte sitaro suno aas marti nahin

chashm-e-giryan zara tham bhi ja ashk mein dil bhi bah jaega

sabr sahra-e-wahshat ke matam-garo aas marti nahin

dard uThne se dil ke sharare kahan bujh sake hain kabhi

lakh raushan nigahon mein KHun la bharo aas marti nahin

wali-e-shahr naghmon ka qatil baja par hamein gham hai kya

fikr zinda ho jab tak mere shairo aas marti nahin

tum se pahle bhi KHwabon ki gardan uDane baDe aae the

sar kaTe KHwab chilla uThe dosto aas marti nahin

rakh bin jal bujhe par ye dil se dhuan ab bhi uThta hai kyun

aankh mein dekhne ki sakat ho na ho aas marti nahin