kya aag mohabbat ki mere tan mein lagi hai

kyā aag mohabbat kī mire tan meñ lagī hai

dil ḳhaak mirā karke jigar phūñk rahī hai

sunte haiñ taraf-dār-e-butāñ us kī hai sarkār

fariyād-rasī hai na vahāñ dād-rasī hai

kūche meñ mujhe dekh ke kahnā vo kisī kā

badnām kiyā jis ne vo kambaḳht yahī hai

afsos na dil kā hī pata hai na jigar kā

pahlū meñ hamāre na yahī hai na vahī hai

kuchh rahm hasīnān-e-jahāñ ko bhī atā kar

yā-rab tirī sarkār meñ kyā is kī kamī hai

tang aa.e jafā se tirī ham ai but-e-kāfir

khā leñge abhī zahr ki marne kī ḳhushī hai

be-māñge diyā mujh ko talab se bhī ziyāda

ai ḳhāliq o mālik tirī sarkār ġhanī hai

ab ātish-e-dozaḳh kā nahīñ ḳhauf mujhe kuchh

āñkhoñ meñ mirī ashk-e-nadāmat kī tarī hai

kyā sog meñ dushman ke huī aap kī hālat

hoñToñ pe na hai paan kī rangat na misī hai

vo mujh ko satāte haiñ to kahtā huuñ maiñ 'sābir'

but darpa.e-āzār haiñ allāh tū hī hai

kya aag mohabbat ki mere tan mein lagi hai

dil KHak mera karke jigar phunk rahi hai

sunte hain taraf-dar-e-butan us ki hai sarkar

fariyaad-rasi hai na wahan dad-rasi hai

kuche mein mujhe dekh ke kahna wo kisi ka

badnam kiya jis ne wo kambaKHt yahi hai

afsos na dil ka hi pata hai na jigar ka

pahlu mein hamare na yahi hai na wahi hai

kuchh rahm hasinan-e-jahan ko bhi ata kar

ya-rab teri sarkar mein kya is ki kami hai

tang aae jafa se teri hum ai but-e-kafir

kha lenge abhi zahr ki marne ki KHushi hai

be-mange diya mujh ko talab se bhi ziyaada

ai KHaliq o malik teri sarkar ghani hai

ab aatish-e-dozaKH ka nahin KHauf mujhe kuchh

aankhon mein meri ashk-e-nadamat ki tari hai

kya sog mein dushman ke hui aap ki haalat

honTon pe na hai pan ki rangat na misi hai

wo mujh ko satate hain to kahta hun main 'sabir'

but darpae-azar hain allah tu hi hai