kya aankh milaoge tum dekhne walon se

kyā aañkh milāoge tum dekhne vāloñ se

rahte ho añdheroñ meñ Darte ho ujāloñ se

bikhrī huī zulfeñ haiñ yā 'mīr' kī ġhazleñ haiñ

qadr in kī koī pūchhe āshufta-ḳhayāloñ se

kis pyaar se milte haiñ nāqūs-o-azāñ donoñ

kis janm kā naatā hai masjid kā shivāloñ se

islām masīhā.ī rabbī-arinī giitā

kyā kuchh nahīñ paayā hai duniyā ne gavāloñ se

do buuñd hī kaam aa.iiñ tapte hue sahrā kī

kuchh aañkh se Tapkā do kuchh paañv ke chhāloñ se

'fayyāz' vo pūchheñ to taklīf tujhe kyā hai

ham deñge javāb un ko kuchh aur savāloñ se

kya aankh milaoge tum dekhne walon se

rahte ho andheron mein Darte ho ujalon se

bikhri hui zulfen hain ya 'mir' ki ghazlen hain

qadr in ki koi puchhe aashufta-KHayalon se

kis pyar se milte hain naqus-o-azan donon

kis janm ka nata hai masjid ka shiwalon se

islam masihai rabbi-arini gita

kya kuchh nahin paya hai duniya ne gawalon se

do bund hi kaam aain tapte hue sahra ki

kuchh aankh se Tapka do kuchh panw ke chhaalon se

'fayyaz' wo puchhen to taklif tujhe kya hai

hum denge jawab un ko kuchh aur sawalon se