kya aur kyon ye kaise hua jab samajh liya

kyā aur kyoñ ye kaise huā jab samajh liyā

zarf-e-du'ā ko ham ne labālab samajh liyā

dil meñ hai kyā vo jāntā hai sab samajh liyā

tark-e-talab ko māñgne kā Dhab samajh liyā

maañ baap kā jo martaba mansab samajh liyā

samjho ki tum ne diin adab sab samajh liyā

tum ko bhulā.e jaane ke nādīda ḳhauf se

ham ne tumhārī yaad ko aujab samajh liyā

ḳhud se tamām 'umr shanāsā na ho sake

duniyā ne jaane kaise hameñ kab samajh liyā

'tasnīm' ke zamīñ pe Thaharte nahīñ qadam

mufrad ko us ne jab se murakkab samajh liyā

kya aur kyon ye kaise hua jab samajh liya

zarf-e-du'a ko hum ne labaalab samajh liya

dil mein hai kya wo jaanta hai sab samajh liya

tark-e-talab ko mangne ka Dhab samajh liya

man bap ka jo martaba mansab samajh liya

samjho ki tum ne din adab sab samajh liya

tum ko bhulae jaane ke nadida KHauf se

hum ne tumhaari yaad ko aujab samajh liya

KHud se tamam 'umr shanasa na ho sake

duniya ne jaane kaise hamein kab samajh liya

'tasnim' ke zamin pe Thaharte nahin qadam

mufrad ko us ne jab se murakkab samajh liya