kya baat thi ki usko sanwarne nahin diya

kyā baat thī ki us ko sañvarne nahīñ diyā

ā.īna haath meñ thā nikharne nahīñ diyā

tūfān meñ phañse to kināre tak aa ga.e

sāhil ne un ko phir bhī ubharne nahīñ diyā

is daur-e-pur-fitan meñ salīqe se TuuT kar

TuuTe to roz hī pe bikharne nahīñ diyā

ham ne amīr-e-shahr ko sajda nahīñ kiyā

ḳhuddārī-e-mizāj ne girne nahīñ diyā

radd-o-qadah ke ba.ad 'vasīya' ne aaj bhī

me.aar se ġhazal ko utarne nahīñ diyā

kya baat thi ki us ko sanwarne nahin diya

aaina hath mein tha nikharne nahin diya

tufan mein phanse to kinare tak aa gae

sahil ne un ko phir bhi ubharne nahin diya

is daur-e-pur-fitan mein saliqe se TuT kar

TuTe to roz hi pe bikharne nahin diya

hum ne amir-e-shahr ko sajda nahin kiya

KHuddari-e-mizaj ne girne nahin diya

radd-o-qadah ke baad 'wasiya' ne aaj bhi

mear se ghazal ko utarne nahin diya