kya bichhaD kar rah gaya jaane bhari barsat mein
kyā bichhaḌ kar rah gayā jaane bharī barsāt meñ
ek koyal kūktī hai aam ke bāġhāt meñ
soch meñ gum fāḳhta baiThī huī hai shāḳh par
baaz hai uupar to nīche ik shikārī ghaat meñ
vaqt ke panchhī ko uḌnā thā bil-āḳhir uḌ gayā
āḌī-tirchhī kuchh lakīreñ haiñ faqat ab haath meñ
koī jiitā hai jiye gar koī martā hai mare
aaj ke insāñ ko dilchaspī hai apnī zaat meñ
ik ta.alluq ik mohabbat hai mujhe is shahr se
mere bachpan kā baḌā hissa kaTā gujrāt meñ
jal rahī thī raat merī tap rahā thā merā din
kyā jiye manzar koī aise kaThin hālāt meñ
kya bichhaD kar rah gaya jaane bhari barsat mein
ek koyal kukti hai aam ke baghat mein
soch mein gum faKHta baiThi hui hai shaKH par
baz hai upar to niche ek shikari ghat mein
waqt ke panchhi ko uDna tha bil-aKHir uD gaya
aaDi-tirchhi kuchh lakiren hain faqat ab hath mein
koi jita hai jiye gar koi marta hai mare
aaj ke insan ko dilchaspi hai apni zat mein
ek talluq ek mohabbat hai mujhe is shahr se
mere bachpan ka baDa hissa kaTa gujraat mein
jal rahi thi raat meri tap raha tha mera din
kya jiye manzar koi aise kaThin haalat mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
