kya fasane mein mera nam kahin hota hai

kyā fasāne meñ mirā naam kahīñ hotā hai

tere hoñToñ pe nahīñ hai to nahīñ hotā hai

tū jise DhūñDhtā phirtā hai zamāne bhar meñ

apne dil meñ tū zarā jhāñk vahīñ hotā hai

kitne saada haiñ ye kashtī ke musāfir jin ko

nā-ḳhudāoñ kī ḳhudā.ī pe yaqīñ hotā hai

toḌ kar band-e-qabā chāk-garebāñ ho kar

rañg vahshat kā mirī aur hasīñ hotā hai

vo jatāne ko ye aatā hai ki maiñ aatā huuñ

varna dhyān us kā sadā aur kahīñ hotā hai

jabki baaqī hai bahut us kī bulandī kā safar

zikr insāñ kā sar-e-arsh-e-barīñ hotā hai

mat kaho us ko ziyāñ jis se ḳhushī miltī ho

vaqt aise kabhī zaa.e.a to nahīñ hotā hai

mai-kade meñ hī milegā tujhe terā 'ādil'

us ko jaanā hai kidhar roz vahīñ hotā hai

kya fasane mein mera nam kahin hota hai

tere honTon pe nahin hai to nahin hota hai

tu jise DhunDhta phirta hai zamane bhar mein

apne dil mein tu zara jhank wahin hota hai

kitne sada hain ye kashti ke musafir jin ko

na-KHudaon ki KHudai pe yaqin hota hai

toD kar band-e-qaba chaak-gareban ho kar

rang wahshat ka meri aur hasin hota hai

wo jatane ko ye aata hai ki main aata hun

warna dhyan us ka sada aur kahin hota hai

jabki baqi hai bahut us ki bulandi ka safar

zikr insan ka sar-e-arsh-e-barin hota hai

mat kaho us ko ziyan jis se KHushi milti ho

waqt aise kabhi zaea to nahin hota hai

mai-kade mein hi milega tujhe tera 'adil'

us ko jaana hai kidhar roz wahin hota hai