kya gulshan-e-hasti phule phale ek phul bhi jab shadab nahin

kyā gulshan-e-hastī phūle phale ik phuul bhī jab shādāb nahīñ

marne ke haiñ sāmāñ bahutere jiine ke magar asbāb nahīñ

mushtāq-e-nazāra ho kar bhī gustāḳh na thī bebāk na thī

ye pās-e-adab se uTh na sakī vo samjhe nazar ko taab nahīñ

allāh re tishnagī-e-hasrat sab pī gayā merā ḳhushk galā

qātil ko thā jis par naaz bahut talvār meñ ab vo aab nahīñ

kyā qahr kī hai ye majbūrī qānūn bhī badle fitrat ke

maiñ barq huuñ lekin sākin huuñ maiñ dil huuñ magar betāb nahīñ

shah pā ke nigāh-e-sāqī kī ḳhud haath sū-e-sāġhar lapkā

mai-ḳhvār takalluf kyoñ barte maiḳhāne ke ye ādāb nahīñ

ye baat vahī kuchh jānte haiñ Duube haiñ jo ġham ke dariyā meñ

sāhil pe jo haiñ vo kyā jāneñ girdāb hai yā girdāb nahīñ

chakkar meñ na phañs dhoke meñ na aa bachnā hai salāmat nā-mumkin

ye ishq-o-mohabbat kā dariyā be-pāyāñ hai pāyāb nahīñ

har haal meñ aañsū motī hai tafrīq magar ye hotī hai

jab tak na gire be-āb nahīñ gir jaa.e to phir nāyāb nahīñ

kya gulshan-e-hasti phule phale ek phul bhi jab shadab nahin

marne ke hain saman bahutere jine ke magar asbab nahin

mushtaq-e-nazara ho kar bhi gustaKH na thi bebak na thi

ye pas-e-adab se uTh na saki wo samjhe nazar ko tab nahin

allah re tishnagi-e-hasrat sab pi gaya mera KHushk gala

qatil ko tha jis par naz bahut talwar mein ab wo aab nahin

kya qahr ki hai ye majburi qanun bhi badle fitrat ke

main barq hun lekin sakin hun main dil hun magar betab nahin

shah pa ke nigah-e-saqi ki KHud hath su-e-saghar lapka

mai-KHwar takalluf kyon barte maiKHane ke ye aadab nahin

ye baat wahi kuchh jaante hain Dube hain jo gham ke dariya mein

sahil pe jo hain wo kya jaanen girdab hai ya girdab nahin

chakkar mein na phans dhoke mein na aa bachna hai salamat na-mumkin

ye ishq-o-mohabbat ka dariya be-payan hai payab nahin

har haal mein aansu moti hai tafriq magar ye hoti hai

jab tak na gire be-ab nahin gir jae to phir nayab nahin