kya hum ko diya sham ne kya dega sawera

kyā ham ko diyā shaam ne kyā degā saverā

hogā na kabhī ḳhatm ye din-rāt kā pherā

ḳheme ko sañbhāleñgī na kamzor tanābeñ

āñdhī hai bahut zor kī uḌ jā.egā Derā

ham-zād tire shahr meñ phirte haiñ sar-e-ām

har ghar meñ hai sannāTe ke bhūtoñ kā baserā

kasrat se ghaTāoñ kī nazar aaya na sūraj

hai chāñd ke atrāf siyah abr kā gherā

ākāsh meñ taare haiñ na dhartī pe haiñ jugnū

uf raat balāoñ kī ye jangal kā añdherā

nāgin ho koī zulf kī jaadū kā koī naag

jūmeñge mirī biin pe sab maiñ huuñ saperā

kya hum ko diya sham ne kya dega sawera

hoga na kabhi KHatm ye din-raat ka phera

KHeme ko sanbhaalengi na kamzor tanaben

aandhi hai bahut zor ki uD jaega Dera

ham-zad tere shahr mein phirte hain sar-e-am

har ghar mein hai sannaTe ke bhuton ka basera

kasrat se ghaTaon ki nazar aaya na suraj

hai chand ke atraf siyah abr ka ghera

aakash mein tare hain na dharti pe hain jugnu

uf raat balaon ki ye jangal ka andhera

nagin ho koi zulf ki jadu ka koi nag

jumenge meri bin pe sab main hun sapera