kya hawaen hain kya ghaTaen hain

kyā havā.eñ haiñ kyā ghaTā.eñ haiñ

ab to badlī huī fazā.eñ haiñ

badlī badlī sī kyoñ nigāheñ haiñ

bahkī bahkī sī kyoñ adā.eñ haiñ

pahle hangāma-zā taqāze the

ab to ḳhāmosh iltijā.eñ haiñ

āñkhoñ meñ bolte hue aañsū

lab pe kuchh be-sadā duā.eñ haiñ

haañ chalā-chal musāfir-e-jannat

rah meñ do-chār karbalā.eñ haiñ

in meñ aur ham meñ qāsid-e-ulfat

kuchh mohabbat bharī duā.eñ haiñ

rind-e-ayyār zāhid-e-purkār

mere pīchhe ye do balā.eñ haiñ

yaañ qafas meñ bhī dekh le sayyād

bulbuloñ kī vahī sadā.eñ haiñ

kya hawaen hain kya ghaTaen hain

ab to badli hui fazaen hain

badli badli si kyon nigahen hain

bahki bahki si kyon adaen hain

pahle hangama-za taqaze the

ab to KHamosh iltijaen hain

aankhon mein bolte hue aansu

lab pe kuchh be-sada duaen hain

han chala-chal musafir-e-jannat

rah mein do-chaar karbalaen hain

in mein aur hum mein qasid-e-ulfat

kuchh mohabbat bhari duaen hain

rind-e-ayyar zahid-e-purkar

mere pichhe ye do balaen hain

yan qafas mein bhi dekh le sayyaad

bulbulon ki wahi sadaen hain