kya hijr mein taskin ki surat nahin rahti

kyā hijr meñ taskīn kī sūrat nahīñ rahtī

rahtī hai magar terī badaulat nahīñ rahtī

ab jaise koī kaam hī ruktā nahīñ apnā

ab jaise kisī shai kī zarūrat nahīñ rahtī

duniyā se guzar jaate haiñ duniyā kī talab meñ

duniyā se hameñ koī shikāyat nahīñ rahtī

vo mauj-e-sad-āvāz bulātī to hai ab bhī

mujh ko hī udhar jaane kī fursat nahīñ rahtī

nāgin kī tarah raat simaT aatī hai dil meñ

jab sāmne ik chāñd sī sūrat nahīñ rahtī

kahte the bahut dil na lagā kār-e-havas meñ

le dekh ki is shauq meñ izzat nahīñ rahtī

kya hijr mein taskin ki surat nahin rahti

rahti hai magar teri badaulat nahin rahti

ab jaise koi kaam hi rukta nahin apna

ab jaise kisi shai ki zarurat nahin rahti

duniya se guzar jate hain duniya ki talab mein

duniya se hamein koi shikayat nahin rahti

wo mauj-e-sad-awaz bulati to hai ab bhi

mujh ko hi udhar jaane ki fursat nahin rahti

nagin ki tarah raat simaT aati hai dil mein

jab samne ek chand si surat nahin rahti

kahte the bahut dil na laga kar-e-hawas mein

le dekh ki is shauq mein izzat nahin rahti