kya hua insan ki pahchan ko

kyā huā insān kī pahchān ko

pūjtā hai jānvar be-jān ko

baad muddat apnī dhun meñ hech samjhā husn ke farmān ko

ho gayā kyā ishq ke irfān ko

zindagī kā mā-hasal paayā nahīñ

ham ne siine se lagā rakkhā hai jhūTī shaan ko

jaan hai mehmān ik din jā.egī

tā-ba-ke rokeñge ham mehmān ko

ho jo matlab to parastish bhī kare

nochtā hai varna ye insān hī insān ko

is qadar vahshat baḌhī insān meñ

dekh kar hairat huī haivān ko

vo samajh jā.egā āḳhir jis meñ hai kuchh sūjh-būjh

kaun samjhā.e magar nādān ko

merā suunā man hai ab sansār se dāman-kashāñ

Thes vo pahuñchī hai mere maan ko

'krishn-mohan' kis qadar jabr-o-tashaddud sah liyā

aadmī ne sar chaḌhāyā is qadar īmān ko

kya hua insan ki pahchan ko

pujta hai jaanwar be-jaan ko

baad muddat apni dhun mein hech samjha husn ke farman ko

ho gaya kya ishq ke irfan ko

zindagi ka ma-hasal paya nahin

hum ne sine se laga rakkha hai jhuTi shan ko

jaan hai mehman ek din jaegi

ta-ba-ke rokenge hum mehman ko

ho jo matlab to parastish bhi kare

nochta hai warna ye insan hi insan ko

is qadar wahshat baDhi insan mein

dekh kar hairat hui haiwan ko

wo samajh jaega aaKHir jis mein hai kuchh sujh-bujh

kaun samjhae magar nadan ko

mera suna man hai ab sansar se daman-kashan

Thes wo pahunchi hai mere man ko

'krishn-mohan' kis qadar jabr-o-tashaddud sah liya

aadmi ne sar chaDhaya is qadar iman ko