kya hua jo dil hua qurban hanste bolte

kyā huā jo dil huā qurbān hañste bolte

jāñ-nisāroñ hī se haiñ maidān hañste bolte

taaḌ lete haiñ yūñhī anjān hañste bolte

yuuñ nahīñ har ik se merī jaan hañste bolte

tum farishta ho parī ho huur ho kyā chiiz ho

is tarah se to nahīñ insān hañste bolte

bain kaisā jab shahīd-e-'ishq kahlātā hai ye

tum mire dil kā karo e'lān hañste bolte

ham ne jo tā'rīf kī un kī vo barham ho ga.e

muft hī meñ ho gayā chālān hañste bolte

tum zamāne ke ho harjā.ī mujhe mā'lūm thā

le ga.e aa kar mirā īmān hañste bolte

hazrat-e-'hāris-alī’ ke vāste kyā hai ġhazal

vo to kah lete haiñ ik dīvān hañste bolte

kya hua jo dil hua qurban hanste bolte

jaan-nisaron hi se hain maidan hanste bolte

taD lete hain yunhi anjaan hanste bolte

yun nahin har ek se meri jaan hanste bolte

tum farishta ho pari ho hur ho kya chiz ho

is tarah se to nahin insan hanste bolte

bain kaisa jab shahid-e-'ishq kahlata hai ye

tum mere dil ka karo e'lan hanste bolte

hum ne jo ta'rif ki un ki wo barham ho gae

muft hi mein ho gaya chaalan hanste bolte

tum zamane ke ho harjai mujhe ma'lum tha

le gae aa kar mera iman hanste bolte

hazrat-e-'haaris-ali’ ke waste kya hai ghazal

wo to kah lete hain ek diwan hanste bolte