kya hua jo par hamare phans gae hain jal mein

kyā huā jo par hamāre phañs ga.e haiñ jaal meñ

ham parinde uḌ chuke haiñ pahle bhī is haal meñ

par katar Daale bhale sayyād Daine noch le

āsmāñ ko ham chhueñge ek din har haal meñ

zindagī ke rāste hoñ laakh pech-o-ḳham bhare

zindagī uljhā na pā.egī hameñ janjāl meñ

zindagī meñ jītnā mumkin na ho be-shak magar

hārnā sīkhā nahīñ ham ne kisī bhī haal meñ

hoñ na hoñ ham kal yahāñ 'bedār' lekin nekiyāñ

an-ginat hoñgī hamāre nāma-e-ā’māl meñ

kya hua jo par hamare phans gae hain jal mein

hum parinde uD chuke hain pahle bhi is haal mein

par katar Dale bhale sayyaad Daine noch le

aasman ko hum chhuenge ek din har haal mein

zindagi ke raste hon lakh pech-o-KHam bhare

zindagi uljha na paegi hamein janjal mein

zindagi mein jitna mumkin na ho be-shak magar

haarna sikha nahin hum ne kisi bhi haal mein

hon na hon hum kal yahan 'bedar' lekin nekiyan

an-ginat hongi hamare nama-e-a’mal mein