kya jaane kahan le gai tanhai hamari

kyā jaane kahāñ le ga.ī tanhā.ī hamārī

muddat huī kuchh bhī na ḳhabar aa.ī hamārī

is dasht-e-gum-āsār meñ aane ke nahīñ ham

hai aur kahīñ bādiya-paimā.ī hamārī

is raah se ham bach ke nikal aa.e vagarna

baiThī thī kamīñ-gāh meñ rusvā.ī hamārī

rah rah ke jo tasvīr chamaktī hai fazā meñ

ham us ke haiñ shaidā.ī vo shaidā.ī hamārī

dil baiThne lagtā hai yahī soch ke ab bhī

phir raat tabī.at nahīñ ghabrā.ī hamārī

ab ḳhāk-e-nadāmat se uTTheñ bhī to kahāñ jaa.eñ

honī hī nahīñ jab kahīñ shunavā.ī hamārī

ik dil ke taqāze kī hī takmīl hai varna

kyā arz-e-hunar kyā suḳhan-ārā.ī hamārī

kya jaane kahan le gai tanhai hamari

muddat hui kuchh bhi na KHabar aai hamari

is dasht-e-gum-asar mein aane ke nahin hum

hai aur kahin baadiya-paimai hamari

is rah se hum bach ke nikal aae wagarna

baiThi thi kamin-gah mein ruswai hamari

rah rah ke jo taswir chamakti hai faza mein

hum us ke hain shaidai wo shaidai hamari

dil baiThne lagta hai yahi soch ke ab bhi

phir raat tabiat nahin ghabrai hamari

ab KHak-e-nadamat se uTThen bhi to kahan jaen

honi hi nahin jab kahin shunawai hamari

ek dil ke taqaze ki hi takmil hai warna

kya arz-e-hunar kya suKHan-arai hamari