kya kahun hasrat-e-didar ne kya kya khincha

kyā kahūñ hasrat-e-dīdār ne kyā kyā khīñchā

kabhī dāman tirā khīñchā kabhī pardā khīñchā

naqsh-e-ummīd mire shauq ne ulTā khīñchā

mujh se khiñchte hī ga.e vo unheñ jitnā khīñchā

vo tire dil meñ hamārī bhī jagah kar degā

jis ne is aañkh ke til meñ tirā naqshā khīñchā

ḳhvāb is dil pe tirī aañkh ne Dore Daale

ḳhuub kājal ne tirī aañkh meñ Dorā khīñchā

taan liiñ donoñ bhaveñ Daal ke nazreñ us ne

tiir chhoḌe to kamānoñ ne bhī chillā khīñchā

zabt-e-fariyād se 'muztar' mirī sāñseñ uljhīñ

rasm-e-fariyād ne uupar ko kalejā khīñchā

kya kahun hasrat-e-didar ne kya kya khincha

kabhi daman tera khincha kabhi parda khincha

naqsh-e-ummid mere shauq ne ulTa khincha

mujh se khinchte hi gae wo unhen jitna khincha

wo tere dil mein hamari bhi jagah kar dega

jis ne is aankh ke til mein tera naqsha khincha

KHwab is dil pe teri aankh ne Dore Dale

KHub kajal ne teri aankh mein Dora khincha

tan lin donon bhawen Dal ke nazren us ne

tir chhoDe to kamanon ne bhi chilla khincha

zabt-e-fariyaad se 'muztar' meri sansen uljhin

rasm-e-fariyaad ne upar ko kaleja khincha