kya kahun maine kaisi khai choT

kyā kahūñ maiñ ne kaisī khaa.ī choT

peT ukhḌā kamar meñ aa.ī choT

jis pe biitī na vo ho vo kyā jaane

un ko ik khel hai parā.ī choT

aur khaao zarā qalā-bāzī

tum ne apne gunoñ se khaa.ī choT

mere dukh kā sharīk kaun huā

apnī apnī sabhoñ ne gaa.ī choT

god lenā mujhe na raas aaya

ye na.ī tarah kī uThā.ī choT

mere chehre se ho ga.ī zāhir

laakh maiñ ne bahan chhupā.ī choT

ab buḌhautī meñ dard hotā hai

haDDiyoñ ne bahut churā.ī choT

koī saudā na thā mire qābil

jā ke bāzār meñ maiñ laa.ī choT

aañsū bhar aa.e un kī āñkhoñ meñ

maiñ ne 'shaidā' ko jab dikhā.ī choT

kya kahun main ne kaisi khai choT

peT ukhDa kamar mein aai choT

jis pe biti na wo ho wo kya jaane

un ko ek khel hai parai choT

aur khao zara qala-bazi

tum ne apne gunon se khai choT

mere dukh ka sharik kaun hua

apni apni sabhon ne gai choT

god lena mujhe na ras aaya

ye nai tarah ki uThai choT

mere chehre se ho gai zahir

lakh main ne bahan chhupai choT

ab buDhauti mein dard hota hai

haDDiyon ne bahut churai choT

koi sauda na tha mere qabil

ja ke bazar mein main lai choT

aansu bhar aae un ki aankhon mein

main ne 'shaida' ko jab dikhai choT