kya karun zarf-e-shanasai ko

kyā karūñ zarf-e-shanāsā.ī ko

maiñ taras jaatā huuñ tanhā.ī ko

ḳhāmushī zor-e-bayāñ hotī hai

rāsta dījiye goyā.ī ko

tere jalvoñ kī farāvānī hai

aur kyā chāhiye bīnā.ī ko

un kī har baat bahut mīThī hai

muñh lagāte nahīñ sachchā.ī ko

ai samundar maiñ qatīl-e-ġham huuñ

jāntā huuñ tirī gahrā.ī ko

baiThā rahtā huuñ akelā yūñhī

yaad kar ke tirī yaktā.ī ko

khīñch le jaate haiñ kuchh dīvāne

apnī jānib tire saudā.ī ko

uf tamāsha-gah-e-duniyā 'āzim'

kitnī fursat hai tamāshā.ī ko

kya karun zarf-e-shanasai ko

main taras jata hun tanhai ko

KHamushi zor-e-bayan hoti hai

rasta dijiye goyai ko

tere jalwon ki farawani hai

aur kya chahiye binai ko

un ki har baat bahut miThi hai

munh lagate nahin sachchai ko

ai samundar main qatil-e-gham hun

jaanta hun teri gahrai ko

baiTha rahta hun akela yunhi

yaad kar ke teri yaktai ko

khinch le jate hain kuchh diwane

apni jaanib tere saudai ko

uf tamasha-gah-e-duniya 'azim'

kitni fursat hai tamashai ko