kya kijiye raqam sanad-e-ehtisham-e-zulf

kyā kījiye raqam sanad-e-ehtishām-e-zulf

hai daftar-e-jamāl pe tuġhrā-e-lām-e-zulf

ḳhidmat ho ġhāza-e-gul-e-ruḳh kī nasīm ko

mauj-e-havā chaman meñ kare intizām-e-zulf

fasl-e-bahār aa.ī junūñ-ḳhez dekhiye

saudā.iyoñ ko aane lage phir payām-e-zulf

muuzī jo sar chaḌhā to banā mār-e-āstīñ

sar pe na chāhiye thā butoñ ke maqām-e-zulf

saudā-e-zulf chīn-e-jabīñ ne miTā diyā

tārāj chīniyoñ ne kiyā aa ke shām-e-zulf

kab husn-e-ārzī pe laTaktī hai sub.h-o-shām

islām par hai ta.an se har-dam salām-e-zulf

chhuT ke uThā rahe haiñ asīrān-e-dām-e-zulf

ārām ab kahāñ dil-e-vahshī hai rām-e-zulf

bāloñ ko apne tum ruḳh-e-raushan pe chhoḌ do

pheñko miyān-e-chashma-e-ḳhurshīd dām-e-zulf

taqrīr kyuuñ na uljhī huī bar zabāñ rahe

hai dars meñ risāla-e-ilm-e-kalām-e-zulf

dīvāne ham haiñ gardish-e-lail-o-nahār ke

hai sub.h sub.h rū-e-parī-shām shām-e-zulf

paayā siyāh-baḳhtī-e-ushshāq ne bhī auj

fīroza-e-falak pe kiyā kunda nām-e-zulf

zulfeñ havā se kab ruḳh-e-āriz pe aa ga.iiñ

hai sabza-e-bahār ke muñh meñ lagām-e-zulf

aa.e siyāh-dil haiñ raqīboñ ke us pe 'mehr'

poshish meñ hai abas haram-e-ehtirām-e-zulf

kya kijiye raqam sanad-e-ehtisham-e-zulf

hai daftar-e-jamal pe tughra-e-lam-e-zulf

KHidmat ho ghaza-e-gul-e-ruKH ki nasim ko

mauj-e-hawa chaman mein kare intizam-e-zulf

fasl-e-bahaar aai junun-KHez dekhiye

saudaiyon ko aane lage phir payam-e-zulf

muzi jo sar chaDha to bana mar-e-astin

sar pe na chahiye tha buton ke maqam-e-zulf

sauda-e-zulf chin-e-jabin ne miTa diya

taraj chiniyon ne kiya aa ke sham-e-zulf

kab husn-e-arzi pe laTakti hai subh-o-sham

islam par hai tan se har-dam salam-e-zulf

chhuT ke uTha rahe hain asiran-e-dam-e-zulf

aaram ab kahan dil-e-wahshi hai ram-e-zulf

baalon ko apne tum ruKH-e-raushan pe chhoD do

phenko miyan-e-chashma-e-KHurshid dam-e-zulf

taqrir kyun na uljhi hui bar zaban rahe

hai dars mein risala-e-ilm-e-kalam-e-zulf

diwane hum hain gardish-e-lail-o-nahaar ke

hai subh subh ru-e-pari-sham sham-e-zulf

paya siyah-baKHti-e-ushshaq ne bhi auj

firoza-e-falak pe kiya kunda nam-e-zulf

zulfen hawa se kab ruKH-e-ariz pe aa gain

hai sabza-e-bahaar ke munh mein lagam-e-zulf

aae siyah-dil hain raqibon ke us pe 'mehr'

poshish mein hai abas haram-e-ehtiram-e-zulf