kya kya diye fareb har ek etibar ne

kyā kyā diye fareb har ik e'tibār ne

apnā banā diyā hai tire intizār ne

kyā jaane kitne ahl-e-tarīqat ko aaj tak

gumrāh kar diyā hai tire rahguzār ne

kuchh un kī justujū hai na kuchh apnī guftugū

ye kyā banā diyā sitam-e-rozgār ne

haañ ai nigāh-e-garm na kar muḳhtasar hayāt

ham ko hazār bojh abhī haiñ utārne

uljhe hue haiñ gesū-e-jānāñ meñ aaj tak

'ālī' chale the kākul-e-gītī sañvārne

kya kya diye fareb har ek e'tibar ne

apna bana diya hai tere intizar ne

kya jaane kitne ahl-e-tariqat ko aaj tak

gumrah kar diya hai tere rahguzar ne

kuchh un ki justuju hai na kuchh apni guftugu

ye kya bana diya sitam-e-rozgar ne

han ai nigah-e-garm na kar muKHtasar hayat

hum ko hazar bojh abhi hain utarne

uljhe hue hain gesu-e-jaanan mein aaj tak

'ali' chale the kakul-e-giti sanwarne