kya kya sadaen sunte hain Khaali makan se hum

kyā kyā sadā.eñ sunte haiñ ḳhālī makāñ se ham

behtar to ye hai bhaag chaleñ ab yahāñ se ham

sarsabz vādiyoñ kī tarah mahv-e-ḳhvāb vo

aur dhuup meñ jhulaste hue sā.ebāñ se ham

vo duur āsmān pe chaḌhtī patang kī

ik Dor the ki TuuT ga.e darmiyāñ se ham

rūhoñ kā ġhol thā ki khaḌā chīḳhtā rahā

bāhar nikal ke jā na sake jism-o-jāñ se ham

ḳhvāhish kī aag thī ki jalātī rahī hameñ

tahlīl ho ga.e haiñ fazā meñ dhuāñ se ham

kya kya sadaen sunte hain KHali makan se hum

behtar to ye hai bhag chalen ab yahan se hum

sarsabz wadiyon ki tarah mahw-e-KHwab wo

aur dhup mein jhulaste hue saeban se hum

wo dur aasman pe chaDhti patang ki

ek Dor the ki TuT gae darmiyan se hum

ruhon ka ghol tha ki khaDa chiKHta raha

bahar nikal ke ja na sake jism-o-jaan se hum

KHwahish ki aag thi ki jalati rahi hamein

tahlil ho gae hain faza mein dhuan se hum