kya mai-kada hai ishq haqiqat mein yar ka

kyā mai-kada hai ishq haqīqat meñ yaar kā

be-ḳhud kā hai jo haal vahī hoshiyār kā

kyā mahv-e-ishq huuñ mujhe itnī nahīñ ḳhabar

furqat kī shab hai roz hai yā vasl-e-yār kā

jo chāhe vo sulūk kare hasrat-e-baqā

maiñ aur saath zindagī-e-musta.ār kā

pahlū meñ ab kahāñ hai vo dil vo hujūm-e-yās

kyā jald miT gayā hai nishān us dayār kā

bāteñ bhī haiñ to vo haiñ ki ho aur ġham sivā

kyā jāneñ kis taraf ko hai dil ġham-gusār kā

gulshan meñ muntashir to haiñ aurāq-e-gul tamām

kaisā thā kuchh na pūchho zamāna bahār kā

kya mai-kada hai ishq haqiqat mein yar ka

be-KHud ka hai jo haal wahi hoshiyar ka

kya mahw-e-ishq hun mujhe itni nahin KHabar

furqat ki shab hai roz hai ya wasl-e-yar ka

jo chahe wo suluk kare hasrat-e-baqa

main aur sath zindagi-e-mustaar ka

pahlu mein ab kahan hai wo dil wo hujum-e-yas

kya jald miT gaya hai nishan us dayar ka

baaten bhi hain to wo hain ki ho aur gham siwa

kya jaanen kis taraf ko hai dil gham-gusar ka

gulshan mein muntashir to hain auraq-e-gul tamam

kaisa tha kuchh na puchho zamana bahaar ka