kya maza ho jo kisi se tujhe ulfat ho jae
kya maza ho jo kisi se tujhe ulfat ho jae
Mirza Mohammad Taqi Hawas
MORE BYMirza Mohammad Taqi Hawas
kyā mazā ho jo kisī se tujhe ulfat ho jaa.e
jī kuḌhe fikr rahe merī sī hālat ho jaa.e
terā bīmār dam-e-naz.a ye māñge thā duā
dekh luuñ phir use gar thoḌī sī mohlat ho jaa.e
jā.iyo mat tū sabā baaġh se zindāñ kī taraf
mujh ko Dar hai na asīroñ pe qayāmat ho jaa.e
ai dil ik din tū guzar kar taraf-e-ahl-e-qubūr
tā-ki dekhe se unhoñ ke tujhe ibrat ho jaa.e
dekh tasvīr ko majnūñ kī 'havas' rashk na kar
chāhiye ishq meñ terī bhī ye sūrat ho jaa.e
kya maza ho jo kisi se tujhe ulfat ho jae
ji kuDhe fikr rahe meri si haalat ho jae
tera bimar dam-e-naza ye mange tha dua
dekh lun phir use gar thoDi si mohlat ho jae
jaiyo mat tu saba bagh se zindan ki taraf
mujh ko Dar hai na asiron pe qayamat ho jae
ai dil ek din tu guzar kar taraf-e-ahl-e-qubur
ta-ki dekhe se unhon ke tujhe ibrat ho jae
dekh taswir ko majnun ki 'hawas' rashk na kar
chahiye ishq mein teri bhi ye surat ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
