kya pahanta badan kafan ke baad

kyā pahantā badan kafan ke baad

ḳhaak hai sab ye pairahan ke baad

jaan de sakte haiñ tumheñ bhī ham

jaan lekin suno vatan ke baad

maiñ pareshān itnā ho na sakā

hotā bhī kitnā pur-shikan ke baad

kyā ajab tezī zindagī meñ hai

chal rahā huuñ maiñ par badan ke baad

vasl kar hijr ko gañvā diyā hai

jo milā thā baḌe jatan ke baad

sar sabhī ḳhuub haiñ magar us kī

chūḌiyoñ kī khanan khanan ke baad

ye badan phir bhī ḳhaak honā hai

ruuh kā kyā kareñ badan ke baad

kya pahanta badan kafan ke baad

KHak hai sab ye pairahan ke baad

jaan de sakte hain tumhein bhi hum

jaan lekin suno watan ke baad

main pareshan itna ho na saka

hota bhi kitna pur-shikan ke baad

kya ajab tezi zindagi mein hai

chal raha hun main par badan ke baad

wasl kar hijr ko ganwa diya hai

jo mila tha baDe jatan ke baad

sar sabhi KHub hain magar us ki

chuDiyon ki khanan khanan ke baad

ye badan phir bhi KHak hona hai

ruh ka kya karen badan ke baad