kya pata kya tha udhar aur kya na tha

kyā pata kyā thā udhar aur kyā na thā

qad mirā dīvār se ūñchā na thā

zehn murda jism be-his be-libās

maiñ ne vo dekhā hai jo dekhā na thā

bhāgtā phirtā huuñ apne-āp se

aisā bhī hogā kabhī sochā na thā

malgaje bigḌe se chehre har taraf

zindagī pahle tujhe dekhā na thā

mas.ale kuchh likh gayā dīvār par

ek dīvāna jo dīvāna na thā

us kī lākhoñ meñ yahī pahchān thī

qabr par us kī koī katba na thā

jis ne jo māñgā use vo de diyā

ai ḳhudā kyā maiñ tirā banda na thā

kya pata kya tha udhar aur kya na tha

qad mera diwar se uncha na tha

zehn murda jism be-his be-libas

main ne wo dekha hai jo dekha na tha

bhagta phirta hun apne-ap se

aisa bhi hoga kabhi socha na tha

malgaje bigDe se chehre har taraf

zindagi pahle tujhe dekha na tha

masale kuchh likh gaya diwar par

ek diwana jo diwana na tha

us ki lakhon mein yahi pahchan thi

qabr par us ki koi katba na tha

jis ne jo manga use wo de diya

ai KHuda kya main tera banda na tha