kya pata tha masala yun hal mera ho jaega
kyā pata thā mas.ala yuuñ hal mirā ho jā.egā
kū-e-jānāñ ek din maqtal mirā ho jā.egā
is qadar kuchlā hai sab ne ḳhuuñ nikalne Tak mujhe
ab to lagtā hai ye dil daldal mirā ho jā.egā
pahle keval shak hī thā par ishq kar ke tai hai ye
naam marne vāloñ meñ avval mirā ho jā.egā
justujū meñ terī yuuñ bhaTkā huuñ sahrā meñ ki ab
aur do pag chal duuñ to jangal mirā ho jā.egā
bahs meñ kyoñ saath tere vaqt maiñ zaa.e.a karūñ
aaj be-shak hai tirā par kal mirā ho jā.egā
mat numā.ish husn kī karnā 'safar' ke sāmne
ḳhud hī vo kahtā hai man chanchal mirā ho jā.egā
kya pata tha masala yun hal mera ho jaega
ku-e-jaanan ek din maqtal mera ho jaega
is qadar kuchla hai sab ne KHun nikalne Tak mujhe
ab to lagta hai ye dil daldal mera ho jaega
pahle kewal shak hi tha par ishq kar ke tai hai ye
nam marne walon mein awwal mera ho jaega
justuju mein teri yun bhaTka hun sahra mein ki ab
aur do pag chal dun to jangal mera ho jaega
bahs mein kyon sath tere waqt main zaea karun
aaj be-shak hai tera par kal mera ho jaega
mat numaish husn ki karna 'safar' ke samne
KHud hi wo kahta hai man chanchal mera ho jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
