kya puchhte ho dard ke maron ki zindagi
kyā pūchhte ho dard ke māroñ kī zindagī
ya.anī falak ke Dūbte tāroñ kī zindagī
phailā.ūñ haath jā ke bhalā kis ke sāmne
ham ko nahīñ gavārā sahāroñ kī zindagī
sāhil pe aa ke mauj-e-talātum se bārhā
barbād ho ga.ī hai hazāroñ kī zindagī
aatī hai yaad kyuuñ mujhe rah rah ke aaj bhī
gulshan ke dil-fareb nazāroñ kī zindagī
hai āñdhiyoñ kā ḳhauf na hai Dūbne kā Dar
mujh ko nahīñ pasand kināroñ kī zindagī
kis darja ḳhush-gavār hai tanhā.iyoñ meñ aaj
'saifī' chamakte chāñd sitāroñ kī zindagī
kya puchhte ho dard ke maron ki zindagi
yani falak ke Dubte taron ki zindagi
phailaun hath ja ke bhala kis ke samne
hum ko nahin gawara sahaaron ki zindagi
sahil pe aa ke mauj-e-talatum se barha
barbaad ho gai hai hazaron ki zindagi
aati hai yaad kyun mujhe rah rah ke aaj bhi
gulshan ke dil-fareb nazaron ki zindagi
hai aandhiyon ka KHauf na hai Dubne ka Dar
mujh ko nahin pasand kinaron ki zindagi
kis darja KHush-gawar hai tanhaiyon mein aaj
'saifi' chamakte chand sitaron ki zindagi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
