kya qayamat hai buton ki bazm mein jaane ka haz
kya qayamat hai buton ki bazm mein jaane ka haz
Inamullah Khan Yaqeen
MORE BYInamullah Khan Yaqeen
kyā qayāmat hai butoñ kī bazm meñ jaane kā haz
ham ko ḳhidmat kā unhoñ ko kaam farmāne kā haz
vasl meñ bhī dard-mandoñ ko nahīñ rāhat nasīb
dekh liije sham.a ke milne se parvāne kā haz
is taraf gul TūTtā hai us taraf bulbul kā dil
kyā rahā gulchīñ ke hāthoñ baaġh meñ jaane kā haz
jī nikaltā hai mirā is par ki kab aa.egā haath
yaar ke paañv pe sar ko rakh ke mar jaane kā haz
būjhtā hai ḳhuub kaifiyyat nazāre kī 'yaqīñ'
us nigāh-e-mast se letā hai maiḳhāne kā haz
kya qayamat hai buton ki bazm mein jaane ka haz
hum ko KHidmat ka unhon ko kaam farmane ka haz
wasl mein bhi dard-mandon ko nahin rahat nasib
dekh lije shama ke milne se parwane ka haz
is taraf gul TuTta hai us taraf bulbul ka dil
kya raha gulchin ke hathon bagh mein jaane ka haz
ji nikalta hai mera is par ki kab aaega hath
yar ke panw pe sar ko rakh ke mar jaane ka haz
bujhta hai KHub kaifiyyat nazare ki 'yaqin'
us nigah-e-mast se leta hai maiKHane ka haz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
