kya raha ai zindagi sham-o-sahar koi nahin

kyā rahā ai zindagī shām-o-sahar koī nahīñ

manziloñ kī daad kyā deñ ham-safar koī nahīñ

be-sabātī aa ga.ī dīvār-e-dil ko phāñd kar

marne vaale mar ga.e haiñ nauhagar koī nahīñ

kashtiyoñ ko chhoḌ kar ham ne liyā aglā qadam

kārvān-e-mīr kī lekin ḳhabar koī nahīñ

roz rote kāTtī haiñ shab Dhale tanhā.iyāñ

chār-sū rishte bhare haiñ chārāgar koī nahīñ

ḳhaak Daalī ḳhaak oḌhī ḳhaak par leTā rahā

vo baḌe bedard haiñ un par asar koī nahīñ

raushnī ke gumbadoñ ko de salāmī 'māhtāb'

jis meñ ishq-e-mustafā ho us ko Dar koī nahīñ

kya raha ai zindagi sham-o-sahar koi nahin

manzilon ki dad kya den ham-safar koi nahin

be-sabaati aa gai diwar-e-dil ko phand kar

marne wale mar gae hain nauhagar koi nahin

kashtiyon ko chhoD kar hum ne liya agla qadam

karwan-e-mir ki lekin KHabar koi nahin

roz rote kaTti hain shab Dhale tanhaiyan

chaar-su rishte bhare hain chaaragar koi nahin

KHak Dali KHak oDhi KHak par leTa raha

wo baDe bedard hain un par asar koi nahin

raushni ke gumbadon ko de salami 'mahtab'

jis mein ishq-e-mustafa ho us ko Dar koi nahin