kya sar-e-tahrir hai aur kya pas-e-tahrir dekh

kyā sar-e-tahrīr hai aur kyā pas-e-tahrīr dekh

ya.anī har ik taḳhrīb ke parde meñ ik tasvīr dekh

thī har ik taḳhrīb ke parde meñ ik ta.amīr dekh

ġhaur se maazī meñ apne haal kī tasvīr dekh

kaun pāband-e-vafā hai kaun hai nañg-e-vafā

sham.a kī āġhosh meñ parvāne kī taqdīr dekh

ban gayā hai aaj kī tahzīb kā ye aa.ina

har badī kī nekiyoñ ke naam se tash.hīr dekh

dekhnā hī hai to tinkā dekh apnī aañkh kā

dūsre kī aañkh kā ai dost mat shahtīr dekh

vaqt kī hotī haiñ 'ġhāzī' sab karishma-sāziyāñ

munkir-e-taqdīr ko bhī mā.il-e-taqdīr dekh

kya sar-e-tahrir hai aur kya pas-e-tahrir dekh

yani har ek taKHrib ke parde mein ek taswir dekh

thi har ek taKHrib ke parde mein ek tamir dekh

ghaur se mazi mein apne haal ki taswir dekh

kaun paband-e-wafa hai kaun hai nang-e-wafa

shama ki aaghosh mein parwane ki taqdir dekh

ban gaya hai aaj ki tahzib ka ye aaina

har badi ki nekiyon ke nam se tashhir dekh

dekhna hi hai to tinka dekh apni aankh ka

dusre ki aankh ka ai dost mat shahtir dekh

waqt ki hoti hain 'ghazi' sab karishma-saziyan

munkir-e-taqdir ko bhi mail-e-taqdir dekh