kya the andeshe ki har baat pe roe hum tum

kyā the andeshe ki har baat pe ro.e ham tum

'ishq meñ kitne maqāmāt pe ro.e ham tum

aaj tak manzil-e-maqsūd na paa.ī na sahī

thak ke baiThe na musāfāt pe ro.e ham tum

do badan saath na sāvan meñ kabhī bhiig sake

ḳhvāhish-e-mausam-e-barsāt pe ro.e ham tum

saath hañsne kī tamanna thī bahut jis ke liye

ḳhuub jā jā ke mazārāt pe ro.e ham tum

ham charāġhoñ kī tarah the to ye duniyā thī havā

apnī qismat kī siyah raat pe ro.e ham tum

log rote haiñ kahāñ ġhair ke dukh meñ 'sābir'

aur daraḳhtoñ ke jhare paat pe ro.e ham tum

kya the andeshe ki har baat pe roe hum tum

'ishq mein kitne maqamat pe roe hum tum

aaj tak manzil-e-maqsud na pai na sahi

thak ke baiThe na musafat pe roe hum tum

do badan sath na sawan mein kabhi bhig sake

KHwahish-e-mausam-e-barsat pe roe hum tum

sath hansne ki tamanna thi bahut jis ke liye

KHub ja ja ke mazaraat pe roe hum tum

hum charaghon ki tarah the to ye duniya thi hawa

apni qismat ki siyah raat pe roe hum tum

log rote hain kahan ghair ke dukh mein 'sabir'

aur daraKHton ke jhare pat pe roe hum tum