kya ye dekhen ki koi aur tamasha kya hai

kyā ye dekheñ ki koī aur tamāshā kyā hai

ham ko ḳhud apne alāva nazar aatā kyā hai

ba.az dariyāoñ ke manzar bhī ajab hote haiñ

aadmī sochtā rah jaa.e ki sahrā kyā hai

vo to achchhā hai ki ham hī ḳhas-o-ḳhāshāk nahīñ

varna in tez havāoñ kā bharosa kyā hai

bujh ga.e haiñ jo diye phir se jalā.eñ ki nahīñ

koī batlāo hameñ rañg havā kā kyā hai

ho mulāqāt aur ehsās-e-mulāqāt na ho

terā milnā jo yahī hai to bichhaḌnā kyā hai

dasht ke dhuup ne ham ko ye batāyā 'ḳhāvar'

apne ghar ke dar-o-dīvār kā saaya kyā hai

kya ye dekhen ki koi aur tamasha kya hai

hum ko KHud apne alawa nazar aata kya hai

baz dariyaon ke manzar bhi ajab hote hain

aadmi sochta rah jae ki sahra kya hai

wo to achchha hai ki hum hi KHas-o-KHashak nahin

warna in tez hawaon ka bharosa kya hai

bujh gae hain jo diye phir se jalaen ki nahin

koi batlao hamein rang hawa ka kya hai

ho mulaqat aur ehsas-e-mulaqat na ho

tera milna jo yahi hai to bichhaDna kya hai

dasht ke dhup ne hum ko ye bataya 'KHawar'

apne ghar ke dar-o-diwar ka saya kya hai