kya zamana aa gaya hai aib bhi fan ho gae

kyā zamāna aa gayā hai 'aib bhī fan ho ga.e

ham jinheñ patthar samajhte the vo darpan ho ga.e

ghar ke kone meñ paḌe rahte haiñ ḳhāmoshī ke saath

āj-kal māñ-bāp bhī miTTī ke bartan ho ga.e

yuuñ taraqqī kī taraf ham ne baḌhā.e haiñ qadam

tang-dāman the hī ab to chāk-dāman ho ga.e

ai hukūmat is taraf kyā tū ne sochā hai kabhī

jo tire maddāh the kyoñ tere dushman ho ga.e

raat din tere liye jalnā hamārā kaam hai

ai siyāsat ham tire chūlhe kā īñdhan ho ga.e

aadmī in ko pahantā hai libāsoñ kī tarah

jhuuT 'ayyārī fareb-o-makr fashion ho ga.e

media vāloñ ne aisā khel khelā dharm kā

jin meñ kal tak dostī thī aaj dushman ho ga.e

kya zamana aa gaya hai 'aib bhi fan ho gae

hum jinhen patthar samajhte the wo darpan ho gae

ghar ke kone mein paDe rahte hain KHamoshi ke sath

aaj-kal man-bap bhi miTTi ke bartan ho gae

yun taraqqi ki taraf hum ne baDhae hain qadam

tang-daman the hi ab to chaak-daman ho gae

ai hukumat is taraf kya tu ne socha hai kabhi

jo tere maddah the kyon tere dushman ho gae

raat din tere liye jalna hamara kaam hai

ai siyasat hum tere chulhe ka indhan ho gae

aadmi in ko pahanta hai libason ki tarah

jhuT 'ayyari fareb-o-makr fashion ho gae

media walon ne aisa khel khela dharm ka

jin mein kal tak dosti thi aaj dushman ho gae