kya zindagi ne rakkhi saughat mere haq mein

kyā zindagī ne rakkhī sauġhāt mere haq meñ

har jiit us ko hāsil har maat mere haq meñ

taqsīm ho gayā hai donoñ meñ ek rahbar

ik haath us ke hisse ik haat mere haq meñ

muddat se nam hai dāman āḳhir dikhā.eñ kis ko

ik roz ho ga.ī thī barsāt mere haq meñ

haiñ raunaqeñ kahīñ to bedāriyāñ kahīñ haiñ

jo raat us ke haq meñ vo raat mere haq meñ

yuuñ mushtarak the ham sab har fard thā masāvī

phir bhī haiñ saare mushkil hālāt mere haq meñ

kyā ḳhuub hai tumhārā ye mansab-e-saḳhāvat

sab iltifāt ḳhud par zulmāt mere haq meñ

lāzim hai naġhmagī bhī goyā.ī bhī zarūrī

likhtī hai ab ḳhamoshī naġhmāt mere haq meñ

kya zindagi ne rakkhi saughat mere haq mein

har jit us ko hasil har mat mere haq mein

taqsim ho gaya hai donon mein ek rahbar

ek hath us ke hisse ek hat mere haq mein

muddat se nam hai daman aaKHir dikhaen kis ko

ek roz ho gai thi barsat mere haq mein

hain raunaqen kahin to bedariyan kahin hain

jo raat us ke haq mein wo raat mere haq mein

yun mushtarak the hum sab har fard tha masawi

phir bhi hain sare mushkil haalat mere haq mein

kya KHub hai tumhaara ye mansab-e-saKHawat

sab iltifat KHud par zulmat mere haq mein

lazim hai naghmagi bhi goyai bhi zaruri

likhti hai ab KHamoshi naghmat mere haq mein